કમિશનરશ્રી, કુટિર અને ગ્રામોદ્યોગ કચેરી, ગાંધીનગર દ્રારા માનવ કલ્યાણ યોજના ૨૦૨૩-૨૪ જાહેર કરવામાં આવી છે. જેમાં તમામ લોકો જેની આવક મર્યાદા ગ્રામ્ય વિસ્તાર માટે રૂ.૧,૨૦,૦૦૦/- અને શહેરી વિસ્તાર માટે રૂ.૧,૫૦,૦૦૦/- સુધીની હોય તેવા લોકોને વ્યવસાય માટે ટ્રેડ વાઈઝ સાધન/ઓજાર સ્વરૂપમાં સહાય આપવામાં આવશે. આ યોજના હેઠળ લાભ લેવા માગતા અરજદારોએ તા.૦૧/૦૪/૨૦૨૩ થી ઓનલાઈન અરજી કરવાની રહેશે.
માનવ કલ્યાણ યોજના વિશે
આ યોજનામાં આર્થિક રીતે પછાત વર્ગોના સમુહને પુરતી આવક અને સ્વરોજગાર ઉભા કરવા માટે વધારાના ઓજારો/સાધનો આપવામાં આવે છે. આ યોજના ગરીબી રેખાની નીચે જીવતી વ્યકિતઓ/કારીગરોની આર્થીક સ્થિતિ સુધારવા માટેની અગાઉની સ્વરોજગાર યોજનાને બદલે તા૧૧/૯/૯૫થી શરૂ કરવામાં આવી છે. આમાં ફેરીયા, શાકભાજી વેચનાર, સુથારીકામ વગેરે જેવી ૨૮ ટ્રેડમાં નાના પ્રકારના વેપાર/ધંધા કરવા સમાજના નબળા વર્ગોના લોકો કે જેની કુટુંબની વાર્ષીક આવક ગ્રામ્ય વિસ્તાર માટે રૂ.૧,૨૦.૦૦૦/- અને શહેરી વિસ્તાર માટે રૂ.૧,૫૦.૦૦૦/- સુધી ની હોય તેવા લોકોને આર્થિક આવકમાં વધારો કરવા માટે વ્યવસાય માટે જરૂરી સાધન/ઓજાર સહાય તા:૧૧/૯/૧૮ ના ઠરાવોની સાથે સામેલ ટુલકીટની યાદી મુજબની મર્યાદામાં આપવામાં આવે છે.
પાત્રતા
૧ ઊંમર : ૧૬ વર્ષ થી ૬૦ વર્ષ
૨ આવક મર્યાદા:
ગ્રામ્ય વિસ્તારના લાભાર્થીઓ માટે જિલ્લા ગ્રામ વિકાસ વિભાગની ગરીબી રેખાની યાદીમાં સમાવેશ થયેલ હોવો ફરજીયાત છે. આ લાભાર્થીએ આવકનો દાખલો રજૂ કરવાનો રહેતો નથી.
અથવા
અરજદારના કુટુંબની વાર્ષિક આવક ગ્રામ્ય વિસ્તાર માટે રૂ.૧૨૦૦૦૦/- અને શહેરી વિસ્તાર માટે રૂ.૧૫૦૦૦૦/- સુધી હોવી જોઇએ તે અંગેનો તાલુકા મામલતદાર અથવા નગરપાલિકા ચીફ ઓફીસર અથવા મહાનગરોમાં મહાનગરપાલિકાના અધિકૃત અધિકારીનો આવકનો દાખલો રજૂ કરવાનો રહેશે.
અરજદાર માટેની સુચનાઓ
- અરજદારે અસલ ડોક્યુમેન્ટનો ફોટો જ અપલોડ કરવાનો રહેશે.
- ગયા વર્ષે જે અરજીઓ મંજુર થયેલ હોય પરંતુ ડ્રોમાં પસંદગી પામેલ ના હોય તેમને અરજી કરવાની રહેશે નહી.
સહાય કોને મળશે?
| ક્રમ નં | ટુલકીટ્સનું નામ |
|---|---|
| ૧ | કડીયાકામ |
| ર | સેન્ટીંગ કામ |
| ૩ | વાહન સર્વિસીંગ અને રીપેરીંગ |
| ૪ | મોચી કામ |
| પ | ભરત કામ |
| ૬ | દરજી કામ |
| ૭ | કુંભારી કામ |
| ૮ | વિવિધ પ્રકારની ફેરી |
| ૯ | પ્લ્બર |
| ૧૦ | બ્યુટી પાર્લર |
| ૧૧ | ઇલેક્ટ્રીક એપ્લાયંસીસ |
| ૧ર | ખેતીલક્ષી લુહારી/વેલ્ડીંગ કામ |
| ૧૩ | સુથારી કામ |
| ૧૪ | ધોબી કામ |
| ૧પ | સાવરણી સુપડા બનાવનાર |
| ૧૬ | દુધ-દહીં વેચનાર |
| ૧૭ | માછલી વેચનાર |
| ૧૮ | પાપડ બનાવટ |
| ૧૯ | અથાણાં બનાવટ |
| ર૦ | ગરમ, ઠંડાપીણાં, અલ્પાહાર વેચાણ |
| ૨૧ | પંચર કીટ |
| ૨૨ | ફલોરમીલ |
| ૨૩ | મસાલા મીલ |
| ૨૪ | રૂ ની દીવેટ બનાવવી (સખી મંડળની બહેનો) |
| ૨૫ | મોબાઇલ રીપેરીંગ |
| ૨૬ | પેપર કપ અને ડીશ બનાવટ (સખી મંડળ) |
| ૨૭ | હેર કટીંગ (વાળંદ કામ) |
મહત્વપૂર્ણ લિંક
| વર્ષ ૨૦૨૩-૨૪ માટેની જાહેરાત વાંચવા | અહિ ક્લિક કરો |
| ઓફિશિયલ વેબસાઈટ પર ઓનલાઈન અરજી કરવા માટે | અહિ ક્લિક કરો |
| સેલ્ફ ડિક્લેરેશન ફોર્મ (અરજદારશ્રીનું એકરારનામુ) ડાઉનલોડ કરવા | અહિ ક્લિક કરો |
મહત્વપૂર્ણ તારીખ
- તા.૦૧/૦૪/૨૦૨૩ થી ઓનલાઈન અરજી કરવાની રહેશે.
હેલ્પલાઈન નંબર
કોઈપણ પ્રશ્ન માટે હેલ્પલાઈન ડેસ્ક પર સંપર્ક કરવો.
- ૯૯૦૯૯૨૬૨૮૦
- ૯૯૦૯૯૨૬૧૮૦
